गजल
हँसि हँसि के मारि गेल त हम कि करी
जीबते कियो जारि गेल त हम की करी
बहकि त गेल छलहुँ हुनका देखि के
खसति ओ सम्हारि गेल त हम की करी
मोन हमर भीजल पुआर जकाँ छल
मुदा आगि पजारि गेल त हम की करी
रुप हुनक आँखिक सोझा रहति अछि
हुनका नै बिसारि भेल त हम की करी
देखते देखेत ओ दीवाना बना देलक
मन मोहिनी नारि भेल त हम की करी
सिनेहक बात सुनाबय के मोन छल
पहिले तकरारि भेल त हम की करी
आब सभ गरिया के चलि जायत अछि
भाइये सॅ अराडि़ भेल त हम की करी
----> रवि.
Bhut sundar
जवाब देंहटाएं